الاحتياج! بسبب جرعات الهبل المكثفة اللى تعاطيتها فى طفولتى و مراهقتى، اتسمت مرحلة شبابى كلها بالهبل الملون باليأس و الاحتياج المرضى للحب. كنت عايزة أحب و خلاص ... أى واحد ... أى واحد يقول لى كلمة حلوة أجرى عليه زى الكلب الوفى و اهز ديلى جنبه فى خضوع و فرحة! فلاتر شخصيتى كانت مهلهلة مهترئة و الانبهار و الاعجاب و الضعف الإنسانى و الشهوة و الحب – كلها مشاعر اتساوت عندى. و اللى زاد و غطى احساسى بالفشل و الرفض و الحزن بسبب بطل القصة المنيلة بنيلة. أصبحت مدمنة حب ... مدمنة علاقات ... مدمنة بتلعن ادمانها و علاقاتها لكن مش قادرة تتغلب على احتياجها المرضى لراجل يتسجل اسمه على الموبايل باسم baby!
No comments:
Post a Comment