مروة رخا تقدم مونتيسوري مصر – فيديو إجابات أسئلة المشاهدين

http://marwarakha.com/?p=7127

أسئلة الأسبوع دا:

السلام عليكم مبروك على البرنامج والله بصحى بدرى مخصوص عشان اشوفك عندى مشكلة وياريت تحليهالى ابنى عندو سنتين وهو من يوم مل اتولد بيعيط كتير اوى لدرجة انه بيزرق لونه من كتر العياط ومن غير اى سبب يعنى يصحى من النوم يعيط من2 الى 3 ساعات ومبيتعبش لو طلب حاجة وصممت انى نعملهاش يعيط كتييييير وانا مش بضربه بس من كتر عياطه بقيت بزعق عشان بتكون اعصابى تعبت من كتر العياط مع العلم انه لما بيعيط باخده ف حضنى واعمل المستحيل عشان يوقف عياط وهو مفيش فايدة وكمان انا لسه والده بقالى شهرين وبقيت عصبية من كتر عياطه حتى بسيب البيبى يعيط واشيله هو وكمان ده مش بيرضيه تعبت ارجوكى اتصرف معاه ازاى

ممكن حضرتك تعملى حلقات للكبار انا ولادى اعمارهم 13 و 11 و 8 أو ارشدنى لكتب تعرفنى ازاى اتعمل معاهم وشكرا

انتى هايله و الفقره اللى بتقدميها مفيده و حلوه جدا .. انا بعمل كده مع بنتى .. هي عندها مشكله فى النطق و لما بتتوتر الكلام مش بيطلع بسهوله بحاول معاها كتير ادى لها ثقه فى نفسها و اعمل معاها تمارين نفس اتحسنت شويه الحمد لله بس لسه متوتره دايما

انا اسماء بعد سماع حلقاتك اكتشفت اني اخطات في حق ابني الكبير جدا وهو عنه ٥ سنوات دلوقتي هل ممكن تصليح ماحدث مع العلم انه من نوع الهاي نييد

انا كنت عايزه اعرف هو فى مدارس فى مصر منتسورى انا عندى ابنى 4سنوات وعايزه اعرف ممكن ادخله ولا انا ممكن اعملوا شغل المنتسورى فى البيت وعندى ابنى التانى عنده6سنوات هل ممكن اعمله هو كمان شغل المنتسورى فى البيت وايه اللى ينسابهم

أستاذه مروه أحب اولا اهنئ حضرتك علي البرنامج بجد أكتر من رائع وانا استفدت منه جدا واكتشفت ان في حجات كتير غلط كنت بعملها في تربيه أولادي بجد بشكرك جدا وكنت محتاجه رأي حضرتك في حاجه أنا ابني عنده ٥ سنين مدمن I pad و games وcomputer بصراحه كنت بسيبه يقعد يلعب ٢-٣ ساعات كل يوم بس بدأت احس انه مش عايز يخرج ولا يلعب مع الأولاد اللي في سنه عايز بس ال games أنا بصراحه منعتها خالص بس بدأت الاحظ مؤخرا انه متوه ساعات يندهلي وأقوله نعم يقولي مش فاكر عايز ايه بيجمع اللي عايز يقوله ببطء عايزه اسأل حضرتك ايه اللي ممكن اعمله عشان ارجع أنشطه تاني وبعد ما شفت حلقه الألعاب النهارده هل في ألعاب معينه ممكن تساعده علي التركيز أسفه طولت عليكي بس يا ريت حضرتك تفيديني

شاهد فيديو الإجابات http://marwarakha.com/?p=7127