أنا جوزي متغرب من حوالى 7 شهور وأنا والولاد قاعدين لوحدنا. المهم المشكلة مع جوزي ابتدت من يوم ما سافر، على طول بحس إنه مش متأثر نهائي ببعده عنى لا عاطفياً ولا جنسياً. مش بحس نهائي انه تعبان من غيرى.
وأنا لما بظهرله قد ايه انا متدايقة إنه مش معايا، بيتريق عليا ويفكرنى بمشاكلنا سوى وبحس انه بيكلمنىي تأدية واجب مش اكتر. ولما اكلمه أو ابعتله رسايل بيصدني وبيقفل في الكلام. مش معنى كده انه مش بيكلمني خالص لا بيتكلم ويحكي معايا عادى بس لو حصل وماتكلمناش مش مهم بالنسباله، مع إنى بعمل المستحيل عشان مايعديش يوم من غير ما أكلمه.
وكمان بالنسبة للعلاقة الخاصة لما احاول المح بأي حاجة تخصها يقفل معايا ويقول أنا مش بحب اتكلم في الحكاية دي مع انه واحشني اوى. معقول أكون مش واحشاه ومش فارقه معاه؟ من كم يوم اتخانقنا ومبنتكلمش خالص. وانا صعبان عليا منه أوي. معقول ما اشتقش لكلامنا سوى؟ ولا الهزار والضحك اللى بنضحكوا سوى؟ ومعقول للدرجة دي انا تقيله على قلبه ومصدق خلص مني والحكايه جاته من عند ربنا عشان يبعدني عنه. اعمل ايه؟
عزيزتي الزوجة الحزينة،
لقد قرأت رسالتك عدة مرات في محاولة مني لاستشفاف سبب البعد أو الجفاء بينك وبين زوجك. ولم أجد شيئا سوى الطبيعي؛ رجل وامرأة بينهما عشرة طويلة امتزج فيها الضحك والمزاح والحب بالملل والخلافات والغضب – هذا هو حال أي زواج في أي مكان في العالم.
لا أستطيع أن أجزم أن مشاكل الحياة الزوجية بينكما قتلت الحب في قلب زوجك. ولا يوجد لدي دليل أن في حياة زوجك امرأة أخرى!
أحيانا وبسبب ضغوط الحياة يضيع الحب ويشعر الزوج أو الزوجة أن الحب قد "مات"، وأن الحياة الزوجية لابد أن تستمر من أجل الأولاد. في بعض الأحيان يكون هذا الشعور حقيقياً ولكن في أوقات كثيرة يحتاج الأمر إلى وعي من الطرفين ومجهود متبادل من أجل انقاذ الزواج.
أشعر أن زوجك يعاقبك ببعده عنك! تلميحاته القليلة عن المشاكل المستمرة بينكما وعن كون سفره راحة لك يحمل نبرة عتاب. سيدتي! هل سافر زوجك غصب عنه؟
No comments:
Post a Comment