شخصية البنت اخر حاجة تعلق عليها

ده مش كلامى يا اخوانا
ده شعار حملة اعلانات مشروب بريل على التليفزيون
قاعدة فى حالى دلوقتى حالا بحاول اقرا كلمتين ينفعونى قمت لقيت اعلان فيه اربع رجالة قاعدين على ما يشبه ترابيزة البار العالية و
عدت واحدة واخدة تان و شعرها اصفر طويل و هى طول بعرض و متصورة بالتصوير البطئ جاية عليهم ..
كهلم بصوا
و هى بصت لواحد و قالت له هاى مرسى باين ... المهم عرفته ....
طبعا اصحابه اللى كلهم فحولة بصوا له بحقد ..
رد و قال بس شخصيتها هايلة و بعدين يطلع شعار الحملة كأنه بينهره
و يقول شخصية البنت اخر حاجة تعلق عليها
قام مرسى اخد بقين من البريل و انتفش
و المعلق قال بصوت عميق
اشرب بريل و استرجل


كان لازم الحق اكتبها قبل ما اتنقط