مونتيسوري مصر

مشاكل القراء المسجلة

Delivered to your Doorstep

Enter your email address:

Delivered by FeedBurner

Saturday, September 12, 2009

حمل كتاب محمد سامى البوهى مجانا

حمل كتاب محمد سامى البوهى مجانا
لوزات الجليد
تحميل الكتاب
راسل الكاتب

مشاعرنا الواحدة وأماكن مختلفة
عندما قررتت أن أكتب تلك المجموعة،كان هاجساً غرييباً يلح على،هل حقاً أبو لهب لم يحب؟؟أو شارون لم يحزن؟أو بوش لم يفرح؟أو حتى هتلر لم يبك أبداً طوال حياته؟وجدت الإجابة على كل هذه الأسئلة تتلخص إلى منحى الايجاب،فرأيت أن المشاعر الإنسانية مهما تعدتت،ومهما سكنت أجساداً تبعد عنا ،أو تقترب،ومهما تناثرت بالأماكن،شملا وجنوباً شرقاً وغرباً فهي مشاعر واحدة ..
محمد سامي البوهي
مشاعرنا الواحدة وأماكن مختلفة
عندما قررتت أن أكتب تلك المجموعة،كان هاجساً غرييباً يلح على،هل حقاً أبو لهب لم يحب؟؟أو شارون لم يحزن؟أو بوش لم يفرح؟أو حتى هتلر لم يبك أبداً طوال حياته؟وجدت الإجابة على كل هذه الأسئلة تتلخص إلى منحى الايجاب،فرأيت أن المشاعر الإنسانية مهما تعدتت،ومهما سكنت أجساداً تبعد عنا ،أو تقترب،ومهما تناثرت بالأماكن،شملا وجنوباً شرقاً وغرباً فهي مشاعر واحدة ..
محمد سامي البوهي

عزيزى الكاتب الملطشة

عزيزى الكاتب الملطشة
لو الناشر بتاعك

عايز يدفعك فلوس علشان ينشر كتابك - ابتزاز و رشوة يعنى

مش بياخد رأيك فى أى تغيرات فى النص الأصلى

مش بياخد رأيك فى تصميم غلاف الكتاب
مش بيرد على التليفون

مش بيسلم الكتاب فى الميعاد اللى وعد بيه

توزيعه زفت

مش فاهم تسويق

يوم حفل التوقيع بيختفى و بيسيبك تواجه مصيرك من غير نسخ

مش بيبعت نسخ مجانية للصحافة و وسائل الاعلام المختصة

ممضيك عقد مجحف لمدة خمس و سبع و عشر سنين كأنه اشتراك

يبقى ناشر نص لبة و انت كاتب ملطشة
تعمل ايه؟
حاجة من اتنين
يا تديله الخد التانى
يا تتصرف
لو اخترت الحل الاول مش عايزة اسمع صوت نواحك و شكوتك
لو اخترت الحل التانى
ادخل هنا و خلينى اساعدك على قد ما اقدر

Dear Abused Writer (Egyptian or Not)

Dear Abused Writer

If your publisher
1) Makes you pay money to get published (cheap backmail)
2) Does not consult you when changes are made to your original text
3) Does not consult you when choosing your book cover
4) Does not pick up the phone
5) Does not deliver the book on time
6) Does not distribute your book in the bookstores he promised
7) Does not market you or your book
8) Does not show up with copies on your book signing event
9) Does not send copies to the media
10) Corners you into a 5, 7, 10 year contract

Then he does not know what being a publisher means and you are abused

You have one of two options
1) Turn the other cheek
2) Do something about it

If you choose the first option .. I do not want to hear you whining
If you choose the second option, let me help you and publish your book for free

Details? Here
WHO NEEDS PUBLISHERS WHEN HE HAS FRIENDS!!

Thursday, September 10, 2009

ثورة الكتاب على الناشرين - عزة مغازى

فجاة ودون مقدمات اعلنت الكاتبة والمدونة مروة رخا عن وضع كتابها ( شجرة السم ) للتحميل مجانا على الانترنت رغم ان كتابها نفدت منه طبعتان بالكامل منذ صدوره قبل عامين من الان عبر دار ملامح للنشر لتشن هجوما حادا على دور النشر وممارساتها مطلقة العنان لعدد من الكتاب للاعلان عن شكواهم من دور النشر الذين رأوا انها تسعى لاستغلالهم لجنى الارباح دون مراعاة لحقوقهم

المدونون يعلنون العودة للنشر الالكترونى ودعوة لانشاء اتحاد (للنشر النظيف)

وذكرت مروة رخا للاهرام المسائى انها قررت القيام بهذا التحرك بعدما لاحظت تخاذل الناشر فى الوفاء بالتزامه فى الانتهاء من الطبعة الثالثة من الكتاب والتى كان من المفترض ان توزع بالمكتبات من شهر مايو الماضى حسب اتفاقهما معا رغم ان هناك طلبا واسعا من المكتبات للحصول على الكتاب.

Monday, September 7, 2009

محمد سامى البوهى بين وهم الفكرة و نصب الملامح

كتب محمد سامى البوهى

طبعاً من دور النشر التي تدور حولها شبهات كتير ةجداً هي دار ملامح،ولكن كنت غير مصدق ما يقال،نظراً لأن صاحبها هو المناضل المكافح المدافع عن حقوق الشعب والوطن عضو حركة كفاية محمد حسن السيد الشرقاوي،ورغم ما أشيع عنه في الفترة الأخيرة من تورطه في عمليات نصب،وسرقة،وخطف،واحتجاز كتاب في الدار،وأساليب غير مشروعة في الطباعة،،إلا أنني تعاطفت معه وتضامنت معه خصوصاً بعد مصادرة رواية مترو للشافعي،من قبل الأمن،قلت في نفسي أن تلك إشاعات اختلقها الأمن لمحاربة شرقاوي في رزقه كما العادة،ولما تأخرت دار فكرة في إصدار روايتي الأخيرة،بعد الاتفاق على موعد حفل توقيع في الكويت،وتحديد موعده لزملائي،وحجز مكان لاقامة الحفل،اضطررت لسحبها من فكرة،بعد محاولات فاشلة للوصول لرأفت ابو عيسى صاحب الدار،وعدم الرد على ايميلاتي،فقمت بتحويل الرواية لملامح،مغامرا بالمبلغ المدفوع لفكرة ولم استرده حتى الآن،لكن وهمت نفسي وطلبت منهم ان كتابي القادم سأطبعه بنفس المبلغ،ولكن لم يأتي رد حتى الآن منهم،و من أجل أن تخرج روايتي سريعا حسب الموعد المحدد،تقدمت إلى شرقاوي زميل الكفاح فكان يحدثني بمنتهى الثقة،وأعطاني وعداً بان الرواية ستصدر خلال أسبوع طالما أنني سأدفع ،لأنه في العادة لا ياخذ من الكتاب ثمن الطباعة،ولكن العمل يتاخر بسبب لجنة القراءة،واختيار العمل بدقة،لكن أنا هدفع ،وطالما هدفع مفيش لجنة قراءة،وممكن قبل الاسبوع العمل يصدر،وتم الاتفاق،وارسلت له المبلغ المطلوب كما وعدته،مع اول ضوء باليوم التالي،وهات يا اتصالات بعد مرور الأسبوع طبعا دون تنفيذ وعده،وعم شرقاوي هات يا وعود،مرت عشر أيام ولا حاجة حصلت،كل يوم اتصل ولا حاجة حصلت،كل يوم وعد جديد،وكل يوم كدب جديد،وكل يوم نصب جديد،وطبعاً البيه محترف وعود،ومحترف كلام،ومحترف نصب،ولأول مرة أظلم الأمن،وتطلع كل ظنوني خطأ،فالأمن بريء من تهمة إشاعات شرقاوي،وفين وفين،ارسلت لشرقاوي باشا أنه يلغي الاتفاق،ويرد لي المبلغ المدفوع،ولكن دخلت في دائرة أخرى من الوعود والنصب،والفشر،والكذب،بكرة،لا بعده،لا أحسن انا اشتريت الورق ومنتظر تاجر يشتريه،يعني البيه بيحضر السلبة قبل الجاموسة،المهم بعد معاناة،وحرق كروت اتصالات دولية تقارب المبلغ المدفوع،وكلام في كلام ولا في الأحلام،رد لي شرقاوى نصف المبلغ بعد ما طلع عيني أنا وصديقي الوسيط بحكم إني أقيم بالكويت،بعد التلميح بنشر الموضوع،والنصف الآخر في عداد الموتى إلى الآن،رغم المفاوضات المستميتة لرده إلا إن البيه قافل موبايله،وبيدعي ان عنده ازمة مالية،خصوصا بعد ما فتح فرع نصب جديد،أقصد فرع مكتبة جديد لملامح،وكل يوم حفل توقيع،يعني محمد بيه ماشية معاه حلاوة،ورغم كده استحل مالي،بالهنا والشفا على قلبك يا جميل ،لكن أنا مش مسامح وأشهدكم جميعاً،أما حكايتي مع فكرة هسردها في نوت تاني لأني تعبت اليوم،وكنت وعدت اني هنشر مأساتي

وأسف جداً إنني كتبت بقلمي هذا الموضوع،ولكن أحياناً ما يكون للقلم دموعاً سوداء
ولم أنشر هذا الموضوع إلا بعد أن نفد صبري في محاولات فاشلة مع شرقاوي زادت عن شهر ونصف،وأعلم تماما أن بعد نشري هذا الموضوع سيتخذه زريعه كي لا يرد المبلغ المتبقي،لكن الموضوع ليس موضوع مبلغ،وماديات ولكنها أشياء أخرى محزنة حقاً لا داعي لشرحها

نشر هذا المقال ضمن الحملة ضد دور النشر الصفراء

Sunday, September 6, 2009

متضامنون مع مروة رخا ضد دور النشر الصفراء

محمد سامى البوهى
Dalia Ziada داليا زيادة
Marwa Ayad مروة عياد
Shaymaa El Gammal شيماء الجمال
Dina Ayoub دينا أيوب
Askandarani اسكندرانى
Osama Abdel Aal (أسامة عبد العال)
Al Khoga الخوجة
Eman Hashim ايمان هاشم
Shaimaa Gamal شيماء جمال
Inji Amr (Juka) انجى عمرو
On my Audio Book (Shaymaa El Gammal) شيماء الجمال و كتابى المسجل
Mohamed Hamdy محمد حمدى و تحقيق شامل لجوانب القضية
Shaymaa El Gammal شيماء الجمال و الفرق بين الناشر المحترم و المطبعجى و الناشر المصرى
Amr Mohammed Shehata عمرو محمد شحاتة
جريدة اليوم السابع
عبسميع
عزة مغازى للأهرام المسائى
MOHALY
حاتم عرفة
Perwin Essam
وجدى الكومى لليوم السابع
سمر نور للأخبار
راديو حريتنا
MORE SUPPORT و مساندة أكبر
AND MORE SUPPORTERS و مساندون أكثر

الفرق بين الناشر المحترم و المطبعجى و الناشر المصرى

الناشر المحترم
يختار الكاتب بعناية لان اسمه من اسم اصداراته
يدفع للكاتب لا مؤاخذة دفعة مقدمة للتعاقد
يمضى مع الكاتب عقد 3 كتب على الاقل مع دفع مقدماتهم
عنده مراجعين لغويين
عنده مصممين اغلفة و قسم كامل للاخراج
عنده لا مؤاخذة برده اسطول توزيع داخل و خارج الجمهورية
عنده قسم للعلاقات العامة لتنسيق حفلات التوقيع و جولات خارج و داخل البلد ... ناس شغلتها صناعة البيست سيلر
عنده قسم تسويق فاهم يعنى ايه ترويج و يعنى ايه دعاية و يعنى ايه اعلان (على فكرة .. كل كلمة من دول لها دور خاص فى نجاح العملية التسويقية)
عنده كمان بقى ناس بترد على التليفون و بتتابع مع الكاتب خطوة بخطوة
الكاتب بياخد نسبة من المبيعات
المطبعجى
بيطبع عدد من النسخ بعضها صالح و بعضها يتلف فيه سندوتشات بس بيحاول يدبس الزبون علشان البيزنس
الناشر المصرى
ابجنى تجدنى .. احيانا
بيطبع عدد من النسخ بعضها صالح و بعضها يتلف فيه سندوتشات بس بيحاول يدبس الزبون علشان البيزنس - الكاتب عمره ما هيعرف طبع كام و وزع كام و باع كام
عنده صديق متطوع بالمراجعة اللغوية و مواطن منصوب عليه للتصميم و هو بنفسه بيظبط الفايل على الكمبيوتر و دمتم
التوزيع الجامد جدا ... مكتبة البلد و حنين و عمر بوك ستور .. و احيانا بوكس اند بينز فى المنصورة و معروف و ارت بوك سنتر فى اسكندرية
ديوان و فيرجين و الشروق و كتب خان و فوليوم وان و الجامعة الامريكية ... كل كاتب و اجتهاده
حفلة توقيع حيلة علشان يفرح فيها الكاتب و يجيب اصحابه يعمل قدامهم منظر
التسويق على مسؤوليه الكاتب
التليفون مش بيرد
مبروك .. بقى اسمك كاتب و ابقى قابلنى لو لقيت نسخة لكتابك فى اى حتة
وعود ثم وعو ثم ورود ثم جزمة فى بقك ايها الكاتب الهمام

رشوة؟ ابجنى تجدنى ... احيانا

لا يخفى على أحد اعتراضى و احتجاجى و اشمئزازى من سوق النشر المصرى و اعلنت احتجاجى هنا. فيما يلى حوار دار بينى و بين أحمد منتصر بخصوص النشر و مفهومه و وظيفته .... عار ... عار


Ahmed Montaser September 5 at 5:29am
إزيك يا مروة؟
إحنا ف طنطا عاملين دار نشر اسمها إنسان للنشر والتوزيع
إيه الجديد ف كده؟
الجديد هو إن الدار دي مطورة عن كيان اسمه أبراج للتوزيع ودي شركة توزيع كتب ف الدلتا بنوزع لدار اكتب وعدد من دور النشر ف طنطا والمنصورة ودمنهور وإسكندرية والقاهرة
بعد ما نجحنا ف مجال التوزيع قلنا نعمل دار بشروط نشر تعتبر أفضل شروط ف سوق الكتاب
معانا الكاتب بيدفع مبلغ قدره 2000 أو 2500 على حسب حجم الكتاب وخامة الورق والغلاف
بياخد فلوسه على دفعتين
الدفعة الأولى وهي عبارة عن نص المبلغ بعد 3 شهور بس من نشر الكتاب
الدفعة التانية وهي عبارة عن نصف المبلغ الباقي بعد انتهاء الطبعة ويحصل الكاتب كمان على 30% من أرباح الكتاب

أتمنى أكون أفدتك :)

Marwa Rakha September 5 at 7:05pm
اهلا يا احمد

طيب ما الكاتب ينشر مع نفسه .. فين الاضافة؟

Ahmed Montaser September 6 at 12:26am
مش إضافات هي مميزات
أولا مش بناخد 3000 و4000 من الكاتب لأن أسعار المطبعة إللي متفقين معاها عاملالنا ب2500 و2000 بس بنفس خامات ورق وغلاف دار اكتب ودي خامات جيدة جدا
ثانيا إحنا أصلا تخصصنا شركة توزيع يعني الكتاب حينشر وف خلال شهر واحد حيكون ف الدلتا وإسكندرية مش زي الدور التانية الكتاب عشان يوصل للدلتا بياخد شهور
ثالثا الكاتب لو نشر مع نفسه ورقيا حيضطر يروح لشركة توزيع توزعله ف الدلتا وإسكندرية يعني كده كده حيتعامل مع شركة توزيع

Marwa Rakha September 6 at 12:31am
ممكن انشر الحوار دا؟

Ahmed Montaser September 6 at 12:35am
أوك وابعتيلي اللينك أو اعمليلي تاج لو ف نوت