أنا مش هـ اتكلم كتير فى بوش يستاهل ضرب الجزم و لا لأ و لا فى شجاعة الصحفى العراقى و لا فى مشاعر العرب و كرامة الامة و لا فى مصير العلاقات الدولية و لا فى تعليقات الناس و لا اى كلام من ده. أنا هـ علق على حاجة مستفزة جدا تدل على تفككنا و عدم قدرتنا على التعاون و لا الاتحاد و لا العمل الجماعى ... انا مش احنا
بوش اتضرب بالجزمة امبارح باليل .. نقول الساعة 11 و انا دلوقت بـ اكتب التدوينة دى الساعة 10 و 30دقيقة الصبح .. يعنى اقل من 12 ساعة
فى اقل من 12 ساعة جالى الدعوات دى للانضمام لمجموعات على الفيس بوك ما بين مدافعة عن الصحفى و شماته فى بوش .. كام؟ اهم
http://www.facebook.com/group.php?gid=40928541871&ref=mf
http://www.facebook.com/group.php?gid=40496888324&ref=mf
http://www.facebook.com/group.php?gid=40191120997&ref=mf
http://www.facebook.com/group.php?gid=53502427848&ref=mf
http://www.facebook.com/group.php?gid=40861778005&ref=mf
http://www.facebook.com/group.php?gid=38989964813&ref=mf
http://www.facebook.com/group.php?gid=56930936064&ref=mf
http://www.facebook.com/group.php?gid=50515314186&ref=mf
http://www.facebook.com/group.php?gid=45883086313&ref=mf
http://www.facebook.com/group.php?gid=43663537370&ref=mf
http://www.facebook.com/group.php?gid=63437114072&ref=mf
كل جروب من دول فيه ما بين 9 الى 60 عضو طبعا هـ يزيدوا مع الوقت
السؤال: هو ليه كل واحد عمل جروب لوحده؟
ليه مش كل الناس انضمت لجروب واحد علشان يبقى صوتها اعلى و اوضح و اقوى؟
ليه المنافسة الداخلية ما بين الناس دول لما هدفهم واحد؟
ليه كل واحد قبل ما يعمل الجروب بتاعه ما شافش لو حد سبقه و لا لأ؟
اداة البحث فى الفيس بوك بكلمة او كلمتين هتوضح مين عمل ايه ... الاتحاد قوة يا جماعة
تخيلوا لو كانوا كل دول جروب واحد و كل عضو يدعو اصدقائه كان العدد وصل كام فى ال12 ساعة دول؟
