من كام سنة كده قررت انى مش هكتم فى قلبى اى حاجة و لا هسمح لحد يضايقنى اصلا ... الصندوق الاسود طفح و مع السن و كتر الضغوط بقى الواحد روحه فى مناخيره و بيتخانق مع دبان وشه
و كالعادة مش هقف سلبية و هتكلم و هصوت على حال البلد اللى مش باين له حال ... ماتخافوش .. انا مش هتكلم فى السياسة و لا فى البنزين و لا العيش ... انا هتكلم فى خدمة العملاء .. ما هو العميل ده مواطن دافع فلوس و له حقوق و اللى يفرط فى حقه زى اللى بيفرط فى عرضه بالظبط
عملت ايه بقى الشركة المصرية لنقل البيانات؟
قال قطعوا الخدمة ... تخيلوا ... انا بدفعلهم فلوس علشان برده ادخل على النت من تليفون البيت
الكرديت كارد عندهم و تفويض انهم يسحبوا الاشتراك الشهرى عندهم و موبايلى عندهم و تليفون البيت عندهم و العنوان و صورة البطاقة عندهم .... يبقى ايه بقى ... يقطعوا الزفت الخط ليه؟
الغلطة الاولى ... قطع الخط على غير حق لان فلوسهم عندهم
الغلطة التانية انهم استخسروا فيا مكالمة تليفون يقولولى فيها ان فى مشكلة ... بلاش تليفون ... يبعتوا رسالة .... بس صحيح هما ليه يتعبوا نفسهم ده انا حيالله عميل ... فى داهية ... ما اتفلق و يولع شغلى
الغلطة الثالثة بقى فى البشر اللى بيردوا على التليفون .... لسان حالهم بيقول: انا مش ناقص قرفك يا عميل ما تستنى للصبح هى الدنيا طارت؟
رد عليا واحد اسمه محمد و قلت له الحكاية قال المبيعات روحوا و ان مش فى ايده يعمل لى حاجة ... قلت له يدينى حد كبير اكلمه ... عملى دكر و قال لى بصوت خشن ... يعنى ايه حد كبير .... قال البيه بيخوفنى!!!!!!!!!!!! قلت له حد عنده صلاحيات (يا شاطر) قام لطعنى على الهولد لحد لما جه البيه التاني
البيه التانى رد عليا بكل ثقة و قاللى انا احمد نيازى .... حكيت الحكاية قاللى المبيعات روحوا و هو مش عارف قطعوا الخدمة ليه و مافيش حاجة ممكن يعملها لى ... قمت اتعصبت و هددت بالكتابة ... تقريبا قاللى و انا مالي
انا دلوقتى مش عارفة ارفع حاجات على السايت بتاعى و مش عارفة احضر للكورس بتاع بكرة لان انت بطئ ... و طبعا مش طايقة ارد على المشاكل بتاعتكم و مش طايقة التبلد و الغباء و التخلف اللى احنا عايشين فيه ده
English version coming up soon!!!!!
Sunday, June 22, 2008
Subscribe to:
Post Comments (Atom)
31 comments:
I think the lack of alternatives is why they do what they do Marwa.
I once was talking to a friend who used to work in Link and he told me what means " you have no any other option, it's either us or TE data and both are crap"!!
Same problem everywhere
دى عادى جدا يا مروه.... خدعوك فقالوا ان فى مصر خدمه عملاء دى يا مروه احتكار فعادى بقا واما تعيش معها او تهج من البلاد
fidoDido
احلى حاجة ان الشعب المصري اللى هو شعب متخلف كل واحد فاكر نفسه فيه انه الوحيد اللى بنى ادم و الباقي بهايم
حتى انا و انا بكتب التعليق ده فاكر الباقي بهايم و انا بس اللى بفهم
عادي المهم الراوتر عندك ؟؟ ده أهم حاجه زي عادل إمام ما خاف عالعده خافي عالروتر ههه
Ya Marwa dah ana law 2a3adt akteb 3an ely kany beye7sally ma3a TE Data, hakteb 3anhom ketaab!! Begad... they are the most incompetent idiotic pieces of crap ever. I hate them to the very core, and i TRIED to find an alternative but everybody complained about all the rest and said that TE data is the lesser of evils. The guys on the phone are exceptionally retarded. I stopped speakign with the guy who answers me aslan we mel awel keda a2oloh hat your supervisor, but mafeesh fayda... The supervisors are just as stupid. And not only do they do crap like this with you, they've done way worse begad.. their "technical team" are ta2reeban made of people sa2teen 2e3dadeya. Bahayem begad, mafeesh tafahom khales, 7afzeen kelmetein we yo3odo yekararo feehom... and the worst part is that they think they are god's gift to the world and they are super smart.. we ashra7lohom... wala el hawa. It always ended up with ME giving THEM technical lessons explaining what is wrong and how to fix it. It was so frustrating.
I am so glad i left Egypt... :-/
بصي بقى يا مروة.. أنا معبية من الشركة دي الصراحة ومرارتي اتفقعت منهم.. سيبوني عليهم بج
د
كويس انك كتبتي البوست دا بالعربي عشان فضيحتهم تبقى بجلاجل وكل واحد يفضفض ويفضح بلاويهم
شوفي يا ستي.. أنا كنت اتخبطت في عقلي وقولت اتعامل مع الشركة دي من فترة كدة. اتصلت بيهم اسأل إيه النظام والمطلوب إيه بالظبط, رد عليا واحد متفائل كدا وقالي تعالي دلوقتي الفرع اللي في منطقتك نعمل عقد والخدمة هتوصل عندك في يومين
قولت إيه الجمال ده! قشطة, خدت العنوان ونزلت في ساعتها.. شوفتي الهطل اللي أنا فيه؟ صدقته.. كأني مش عارفة أنا عايشة فين
المهم وصلت هناك بعد الزحمة وحرق البنزين وخلافه
دخلت ع الساكيوريتي وكأني داخلة سفارة.. عامللي فيها دكر هو راخر.. اسمك؟ وجاية تعملي إيه؟ وهتقابلي مين؟.. ماشي يا عم.. وقولت في بالي حاجة تفرح, الأمن مهم برضه, ولو ان طريقته كانت أقرب للتثبت كأني دخلت على كمين أكتر من كونها تعليمات أمن.. وقالي استني دقيقة
أستنى فين يا عم؟.. إلا ما فيه كرسي يوحد ربنا.. لقيت ناس واقفة ملطوعة في طرقة ديقة كدا, قالي أتلطع معاهم
قولت ماشي.. دقيقة مش حكاية يعني
وقفت استنى, دقيقة واتنين وعشرة.. ولا حياة لمن تنادي.. الطرقة فضيت وأنا واقفة ولا حد عبرني
بصيت لقيت في آخر الطرقة باب وناس واقفة.. قولت أروح أقف معاهم, أهو ونس برضه. دخلت الأوضة لقيت كام شاب كدا لابسين قمصان هاواي كأنهم طالعين من إعلان آيس كريم, قاعدين على مكاتبهم وكل واحد فاتح الكمبيوتر اللي قدامه وعايش معاه, وفيه حاطين هيد فونز على ودانهم كمان بيسمعوا أغاني وبيهزوا راسهم معاها. قطعت الوصلة الغنائية على واحد فيهم. شال السماعات من على ودانه وهو قرفان موت وقالي خير؟
قولتله أنا جاية عشان اشترك في خدمة ال دي اس ال
قالي بمنتهى القرف: انتي تبع سنترال إيه؟
قولتله كذا
راحت إيده عند السماعات تاني وهو بيقوللي روحي هناك اسأليهم ينفع تركيب دي اس ال ع الخط ولا لأ
قولتله يا أخ انت أنا اتكلمت في التليفون أسأل قبل ما اتهبب على عيني آجي.. ماحدش جاب سيرة سنترال ولا خط, لو كانوا قاللولي كدا كنت سألت قبل ما آجي, إنما يعني إيه أدب المشوار عشان تقولولي روحي السنترال؟
قالي بمنتهى البرود والتناحة: مش شغلي, مش أنا اللي بأرد ع التليفون.. كأن التليفون دا بتاع شركة تانية مثلا
مشيت قبل ما أصور قتيل وقولت يلعن أبو دي شركة, عمري ما هأعتبها تاني
بعد الحكاية دي بكام شهر فوجئت ان والدي اتعاقد معاهم
قولت ماليش دعوة, زي ما هو راح واتعاقد يمشي باقي الموضوع
قالوله يا إما تشتري مودم بالمواصفات الفولانية يا إما تأجر واحد من عندنا
ووالدي ما بيحبش موضوع الإيجار ده, وقال بدل هما اللي خيروني يبقى أشتري مودم أحسن
اشتراه بنفس المواصفات اللي قالوها بالظبط, لكن ما أشتغلش.. قالوله انت جبت نوع غلط.. حلفلهم انه نفس النوع اللي قالوا عليه قالوله لأ هات النوع الفولاني
راح رجع الأولاني وجاب اللي قالوا عليه.. برضه ما اشتغلش
كلمهم قالوله تعالى.. كأنه راكن الموتوسيكل ع الباب.. قولتله سيبني أنا يا بابا اتعامل مع العالم اللبط دي بعد اذنك, حرام يبهدلوك أكتر من كدة
روحت وأنا شايلة المودم المأسوف عليه.. وأنا داخلة نفس الاسطوانة بتاعة الساكيوريتي وانتي جايبة المودم دا معاكي ليه؟ شوفي الفكاكة!.. قال يعني جايباه استعمله عندهم مثلا ولا ابيعه
المهم دخلت نفس الأوضة المشئومة, لقيت طقم شباب تاني غير بتاع أول مرة, قولت كويس الواد إياه مش موجود
كنت هبلة برضه وفاكرة انها غلطة فرد جلنف وعديم الذوق, ما أعرف انها سياسة الشركة في التعامل مع عملائها الكرام
مساء الخير يا سيدي, الموضوع كيت وكيت وكيت.. بص ع المودم كدا كأنه دكتور اسمالله وقالي هنعمله فحص!.. فحص؟ هي الحالة خطيرة كدا يا داك-تور؟
قالك آه هنعمل تست هنا ونشوفه ينفع ولا لأ.
هي تجربة؟ يعني نشتري الأول وبعدين انتوا تعملوله تست؟ أمال قولتولنا نشتريه ليه؟
طبعا وافقت يتعمل التست.. قاللي بس اللي هيعمله في إيده شغل واحنا قربنا نقفل.. تعالي بكرة.. كأني في مجمع التحرير
طبعا ركبني ستميت عفريت.. بصتله في عينه وقولتله يبقى يسيب اللي في ايده ويفحص الجهاز قبل ما تقفلوا, أنا لو مشيت من هنا هأروح ع القسم
خد مني الجهاز من غير ولا كلمة راح بيه الأوضة اللي جنبه, ورجع قالي خمس دقايق اتفضلي اقعدي
أول مرة حد في الشركة دي يقولي اتفضلي أقعدي
المهم قعدت جنب كام عميل واقفين طبعا وسمعتهم وهما بيتكلموا.. وياللهول, كلهم جايين عشان نفس المشكلة! عرفت ساعتها نتيجة الفحص من قبل ما تيجي
طبعا الجهاز لا يصلح للاستهلاك ال تي إي ديتاوي, ومفيش حل غير اني أأجر مودم من عندهم
طب يا ولاد ال*** ما كنتم تقولوا كدا م الأول
ما قدرتش الصراحة استحمل أكتر من كدا.. سخنت العملا عليهم.. بس كلهم كانوا عايزين يخلصوا والسلام بعد العذاب اللي شافوه
أنا بقى اديتهم درس في الأخلاق وفي خدمة العملا فوق البيعة, لكن واضح انه ما حوقش فيهم
وكتبت شكوى واجبرتهم يصوروها وخدت رقم المديرة واساميهم وقولتلهم يا ويلكم لو كلمتها ولقيت الشكوى دي ما وصلتلهاش
طبعا حاولوا يهدوا فيا.. واحنا مش شركة في امريكا والكلام الفارغ ده. قولتلهم ما معناه ان مصر مش مزبلة عشان أي شركة فاشلة تتحكم فيها في العملا عشان بتقدملهم خدمة.. وكلمت فعلا المديرة وقعدت تعتذرلي نص ساعة ووعدتني انها هتتابع الموضوع بنفسها
لكن باين محدش عبرها, أو هي كانت عايزة تمتص غضبي وخلاص.. مافيش حاجة حصلت برضه
حكاية غم ومنيلة بنيلة يعني
الشركة دي كان ليا فيها صولات وجولت يا مروة
الله يكون في عونك
بصى بأه
لما تتصلى بالرقم
19777
ماتدوسيش رقم 1 ، لأ
برسس توو فور انجليش
ها يرد عليكى واحد او واحده محترمه شويه
و بسرعه بدون انتظار لو الخطوط العربى مشغوله
هتكلميه بالانجليش
و تقوليله ان ده منزل مسئول فى سفارة طنجانيكا
و لازم الخط يرجع بسرعه للاهميه
الخط هايرجع بأقصى سرعه
و ها تتحطى فى قايمة ال
vip عندهم
يعنى مافيش اعطال بعد كده و ليكى اولويه فى حالة تأثر الخدمه زى وقت ما اتقطعت الكابلات، الخدمه عندى ما اتأثرتش
اند يو ولكام
Marwa..
I don't have any experience with any of the Internet providers in Egypt. However, the comment made by Hani Michel has a ring of truth to it. It happened to me when I was in Egypt last time. I needed a phone number for a company and I didn't have it so I called eldaleel, the yellow pages of Egypt. I called three times, and every time I called and spoke in Arabic they would tell me the company does not exist and hang up, or they give me a wrong number and hang up, or they just say ma3rafsh and hang up. They were very rude and loud. Then I called the fourth time, and spoke in English. They were extremely polite, gave me the proper number, thanked me for calling and even told me to call again if I needed anything else. Sometimes, you have to pretend you're a foreigner to get things done. This is becoming a trademark in Egypt.
First of all: respect to the highbrow blog (and website) in general and this straight-from-the-heart post in particular! I have watched you a couple of times on OTV but when I heard you on the radio I was quite certain I would read something genuine, something different on your blog. However, I see you have bowdlerized the daily struggles of many Egyptians in your furious piece of writing. It is obvious we acknowledge the fact that Customer Service is BS in Egypt, and I am surprised you thought otherwise, frankly. Service delivery companies in Egypt make money anyways, whether the customer is satisfied or not, because for instance in your case, it is either TE Data or Link.Net and they both suck, so we basically have no other option, neither do we have any entity that would attend us if we protest, since the Ministry of Information does not even accept complaints from the citizens since they do not have a complaint resolution service or even a regular complaint department for the public. On the other hand, we got used to adapting to apathy and unaccountability from people all across the country, and consequently we tend to take the easy way and do not bother to make a big deal out of cases like the one you have just encountered, we all just want our problem solved, need I pay off for it, butt-kiss, wait the whole day, or whatever, I will do it in order to get it done, and then I will just shut up and leave because I cannot see beyond. It is a mixture of mentality and lack of confidence in the law, of course. So, Marwah, next time you are on TV, spill the beans, they have earned it.
Cheers,
Pinky
نفسى اجرب خدمة الشركة المصرية لنقل البيانات علشان اقابل كل الجبايب على الشبكة
ودائما الى الامام
TE DATA
i think .. en fa3lan al mozafen mashywa we hwa fa3lan mesh ba'edo 7aga ya3malha hol kol aly 3aloh 2alkeno mashywa we hwa fa3lan mesh ba'edo 7aga wala ba'dak 7aga mafesh mozafen besht'3alo i think in the night fe Te Data maw3ed al3amal men 9 a.m to 9 P.m fa altamsy a3zar we enty kaman waaky y3azrk fa hat3maly eah aslan :( .... still disappointed in this life ... i Live so far
انا محمود جيبت الد اس ال من فترة مش بعيدة من هذه الشركة الموعودة في الاول بصراحة وجدت معاملة جيدة نوعا ما ولكن المصائب تاتي في المؤخره باختصار الخدمة مقطوعة كل يوم من الساعة 8 الي 12 يوما مساءا وذهبت للشركة طبعا اتاني مندوب الشركة وطبعا انا المخطىء والكهرباء عندي غير مطبوطة ذهبت للشركة مره اخري ولكم ان تتخيلو ماذا حدث قام احد خدمة العملاء ليتشاجر معي والباقي الموجود يحاولو ان يفرقو بيننا ويحجزوه عني لكي لا يضربني (انا العميل وخدمة العملاء يقوم يضربني) انا وضعت نفسي في اسوا شركة علي الطلاق وانا دلوقتي باكلمكم من علي النت بتاعهم بعد الساعة الواحده وللعلم انا عندي شغل الساعة السابعة صباحا ولكن لتي اي ايداتا احكام.
you can easily go to any other company. and believe me it won't be any different. in linkDOTNet the download acceptable rate is 15Kbs. fa koloh fel hawa sawa. smile you are in EGYPT
first of all
i am not here to defend Te-data
as am working there
i completely agree with some people
but some people seems like they are talking from diff planet
first of all on 19777 most of the people u r talking to is graduated from engineering background
and for those who are aware with technical stuff they are certified with global ones
people please take into consideration that we are help desk we cant see the problem and belive it or not 90% or more the problem with the cst side
routers and modems are all compatable with us but here is the problem every router and modem has a unique id , so when china started manfucturing these hardwares they started duplicating these numbers which cause a trouble
for the one who was suffering from his DSL service during a period of time
the service is installed by hardware . so no one in the centeral would stay at 7 to remove yr service and return it baq on 12
it must be a problem in yr side
and 99% of these problems are electeric problems
for the smart one who said to go through the english qeue u would stnd in the english qeue like arabic one they are all the same
people if u get frustrated once when u r calling
we get frustrtaed all the time
because simply cst just dont want to hear
they want to offend
please help us to help you?
at the end we are help desk
thanks for reading
Dear TE DATA Employee
Obviously you did not read my note carefully.
I did not have a technical problem ... the problem was that TE DATA cut me off ... intentionally.
TE DATA had my credit card, my phone, my mobile, my address, and still they did not even bother to inform me of their problem with me.
This is bad customer service
and guess what? After writing this post and posting it allover the internet and after making a few calls to some big wigs in the company I got my service back in an hour.
عادي جدا
كلنا عندنا شكاوي من تي اي داتا
الي النت بطيئة والي عنده مقطوعه (جاك قطع ايديهم) والي قرف واعتزل النت
انا نفسي كتبت في موضوع تي اي داتا والمصيبه ان واحد شغال هناك رد عليا وقالي ان ليهم خطوات منطقيه في حل المشاكل وعملي البحر طحينه وقال يعني مفيش مشاكل عندهم وكله تمام يا حجيج وانت الي بطيخة مش فاهم حاجه
عايزين الصراحة هيه شركة محترمه بس بالنسبة للشركات المصريه فقط انما بالنسبة للشركات العالميه فا ممكن نقول ان اسوأ شركة انترنت في ملاوي بتقدم خدمة انضف من تي اي داتا
عنوان البوست بتاع تي اي داتا عندي
http://www.es2alony.com/communications/internet/تي-إي-داتا-tedata/
مظنش يا مروه ان فيه بنت محترمه تقول (دكر)وفي اي دوله من المحترمين الي انتي بتقولي عليهم لما مش بتعجبه حاجه , ببساطه مش بيستخدمها وبيشوف بديل بدل النواح الي انتي عملاه علي حاجه تافهه
Sorry ya Marwa 3shan wasting your time. bs shoft klam m3gbneesh fa 7beet a7ot my comment, you can subscribe with link or EGYnet we sa3etha 7t3rfe meen a7sn...
بسم الله الرحمن الرحيم
انا شايف ان معظم الناس اللى بيتكلمو هنا اكيد تبع شركه منهم
ممكن تسئل اصحابك وجيرانك عن النت اللى عندهم وايه نظامو وتحدد هتشترك مع مين
بالنسبالى انا مشترك مع شركه منهم واتعاملت مرتين مع خدمه العملاء بشكل مباشر
مره من حوالى 3 سنين المشكله وصل لمدير خدمه العملاء ومدير الحسابات كمان والمشكله خلصت بسرعه
المره التانيه لما بقلهم انا عايز اقفل الحساب بتاعى على طول شوف انت ممكن تشرف فى اى وقت وتقفل الاشتراك بتاعك يعنى بالسلامه مش هتفرق معاهم
من الاخر خلاص عيشتهم ارتاحت
هى هتيجى على النت
شكرا واسف على الاطاله
السلام عليكم ورحمه الله وبركاته
فى البدايه احب اشكر الانسه مروه التى ابدت نقطه ضعف فى تى داتا والتى ادت الى علاجها عند الشكوى منها لايجاد خل جذرى لهذه المشكله الا وهى انقطاع الخدمه بسبب مساله ماديه بعد مغادره القسم الفنى ولولا ابدائ ملحوظتك لما تمكنت شركه تى داتا فى حل شكوتك ونخن على اشتعداد لتقبل جميع الشكاوى التى تجيء بشكل منظقى فجميعنا نريد خدمه متميزه للعملاء ونريد من الذين اخدوا انطباع سىء عن شركتنا ان يوضحوا مدى القصور لنساعد فى حلها ونرحب بكم فى اى من فروعنا لتلقى شكواكم والى كل من زار فروعنا سيرى فريق من خدمه العملا يرتدون زيا رسميا من البذات يسمعون جميع شكواكم ونسعد من تلقى استفساركم عم طريق خدمه 19777
التى يستعين فيها افضل مهندسين للتعامل مع العملا بسيستم يتيح له تخديد العطل ويمكن لاغى منكم ان يفتخ على صفحه الشركه الرئيسيه شات اون لاين مع خدمه العملا سواء مبيعات او دعم فنى واتمنى من الانسه مروه ان تكون راضيه عن الخدمه بعد المشكله التى اتفق معها انها لاذنب لها فى حدوثها وحدث لها خطا عندما توجهت لقسم الدعم الفنى ومشكلتها ماديه فلم تتلقى مساعد لعدم اختصاص القسم المتصل
والسلام عليكم ورحمه الله وبركاته
شششششششششششششششششششششش ببببببببببببببببببش بشششششششششششششش بشششششششششششششششششششششش بشببببببببب
بشبشببش
ma3 e7tramy ll game3 fe3lan el sha3b el masry da tafeh gedan...... sayben el balawey we el masayeb el bte7sal fe baladhom we 7awaleyhom we masken fe el net.. al ya3ni kano mawlodeen we fe net abl keda..
ya tara bt3mlo e lo el kahraba ata3et ao el maya ao even en el agheza el kahraba2eya 3andoko bazet ... btnawa7o zay ma ento bt3mlo delwaty
mara tanya ma3 e7tramy el shaded el nas kolaha 3aysha fe el door (ana sho3`ly met3atal bsabb el net ana sho31`y bate7`) da kolo kalam tafeyh
el fe3lan 3ando sho3`l over the internet kan gab leased line msh DSL ma3rof be mashaklo as technology... we aslan lma bntrack el routing for the packets bnla2ey en 93% mnhom just going and coming from erotic sites.. sha3b momtaz wallhy... bala nelya.
أريد التقدم بخالص الشكر للوردية الموجودة الآن الساعة الثانية عشرلا ليلا على ماقدموه لى من خدمة مميزة فى إعادة خدمة النت لى حيث أنها كانت مقطوعة لمدة ساعة أتقدم بخالص الشكر على سرعة التلبية - محمد عيد محمد
بورسعيد
066/32242260
اتقدم بخالص الشكر للوردية الموجودة الآن فى الشركة المصرية لنقل البيانات على سرعة التلبية وحسن الخدمة حيث كانت الخدمة مقطوعة من الساعة العاشرة والنصف ليلا وعندما اتصلت بالشركة عادت الخدمة
محمد عيد محمد
بورسعيد
السلام عليكم
طبعا مش هقول وأعيد شركه تى اى داتا ازبل شركه فى خدمه العملاء وفى التعويضات ويذلوك ولا همه فاهمين حاجه وفى الاخر مفيش تعويضات بصراحه وبأمانه
الشهر القدم بلغى من عندهم وبحول شركه دى لينك على الاقل ناس محترمه حتى لوكانت الخدمه مش حلوه بس صدقونى اخر شركه الواحد يروحها بتاعت TeData
بداية لقد شرفت بالتعامل مع الشركة المصرية لنقل البيانات ولكن لى بعض الملاحظات او بالاحرى بعض القصور فى الاداء الخاص بالشركة اولالم تصلنى الرسالة الخاصة بالرقم السرى وعندما طلبتها البعض تجاوب والبعض الاخر رفض فهل هذا جائز ان تحدث مثل هذة التفاهات ثانيا فى يوم 8/4/2009 انقطعت عنى الخدمة تماما من الساعة 7 م الى الساعة 2ص وعندما اتصلت بالشركة لكى استعيد حقى فى الخدمة المدفوعة سلفا استمعت الى الكثير من الاصوات والاراء التى تتهمنى بان العطل انا طرف مشترك فية كيف يحدث ان يتغير الباسورد من تلقاء نفسة وهذا ما بررة لى الشخص الاول الذى كبد نفسة مشقة انتظار لكى يتحدث الى 15 عشر دقيقة والعكس هو الصحيح حيث اننى كنت انا المنتظرعلى الهولد وعندما رد على اغلق الخط بعد دقيقتين من اتصالى بة فهل هذا يليق بالشركة المصرية لنقل البيانات تحدثت بعد فترةالى شخص اخر فشرحت لة الامر الذى حدث من زميلة الاول فبرر موقفة بان صديقة فعل الصواب بان هذا هو العرف المتبع لديكم انة فى حالة عدم تقديم العميل لبياناتة بسرعة وبدون تلعثم من حقكم غلق التليفون فورا وبدون سابق مقدمات فى نهاية المطاف لابد ن انوة ان كل ذلكحدث من قسم الدعم الفنى اريد ان اضع النقاط على الحروف فقط ولااريد ان اتصيد خطاء لماذا تم قطع الخدمة عنى فقط برجاء الرد ريثما تجدون اجابة تقنعنى /محاسب احمد على بيبرس
يا مروة هانم , اسمحيلى , الشركة عندها حق طبعا .
انتى دلوقتى عندك مشكلة فى البوتجاز تروحى تكلمى فنى التلاجات ليييييييييييييييية
, دة مثال طبعا , انتى عندك مشكلة مع قسم المبيعات , قسم المبيعات غلط , تمام و انتى ليكى حق يبقى تتابعى معاهم و تعرفى سبب المشكلة و تحلية و لو من الشكرة هما هيعتزروا و يحلو . انما حضرتك كلمتى قسم الدعم الفنى اللى مش ليية اى صلة بطبيعة مشكلتك, متوقعة منهم يلعبوا دور سوبر مان و يدخلو على بيانات قسم تانى و يدخلو فى شغل المبيعات و يساعدوكى , سورى بجد لو فاهمة كدة . دة مستحيل يحصل فى اى شركة محترمة
يا مروة هانم , اسمحيلى , الشركة عندها حق طبعا .
انتى دلوقتى عندك مشكلة فى البوتجاز تروحى تكلمى فنى التلاجات ليييييييييييييييية
, دة مثال طبعا , انتى عندك مشكلة مع قسم المبيعات , قسم المبيعات غلط , تمام و انتى ليكى حق يبقى تتابعى معاهم و تعرفى سبب المشكلة و تحلية و لو من الشكرة هما هيعتزروا و يحلو . انما حضرتك كلمتى قسم الدعم الفنى اللى مش ليية اى صلة بطبيعة مشكلتك, متوقعة منهم يلعبوا دور سوبر مان و يدخلو على بيانات قسم تانى و يدخلو فى شغل المبيعات و يساعدوكى , سورى بجد لو فاهمة كدة . دة مستحيل يحصل فى اى شركة محترمة
هشرحلكم اللى حصل معايا مع شركة te data
المهم انة فى 17/10 الحرارة اتقطعت وكلمت السنترال ورجعت الحرارة تقريبا فى نفس اليوم بس من غير نت وكانت الطامة الكبرى واكلم الشكاوى ومفيش فايدة المهم انهم خلونى غيرت السلك من البوكس برة لغاية الراوتر وكمان الاسبليتر وجربت راوتر تانى المهم تقولهم العيب مش من عندى يقولوا لك هنبعت المندوب يعمل اعادة تدبيس للخط ومن ساعتها لغاية دلوقتى واقولهم العبى يا خضرا يقولوا لأ مش قادرة يظهر الواحد ساعات بيتخيل انة مش فى مصر وان كل حاجة كويسة وحقك بتاخدة لكن يظهر ان الواحد بيحلم لأ والمهم يا أخى تقولهم طيب ميعاد تجديد الاشتراك ادفع ازاى ومفيش خدمة يقولوك لازم تدفع علشان منقطعش الخدمة ومن ساعتها افتكرت مسرحية عادل امام وطبعا مسخسخ على روحى وعاملها نكتة علشان افضح الشركة دى فى كل مكان اروحة او اقعد مع حد يظهر ان السمة الاساسية انك لازم يتنصب عليك علشان كدة تبقى فى مصر ههههههههه
المهم اخيرا وبعد تفكير عميق قررت انى مدفعش والغى الاشتراك معاهم واعمل فى اى حتة تانية بس انا عارف انهم هيطلعوا عينى علشان يدونى رقم الكانسليشن المهبب دة
اخر حل بقى انى هلغية ومش عايز نت خالص من وشهم وان شاء الله هيفلسوا ويقفلوا وربنا يخلصة منهم ويرحمنا من النصب اللى بقى فى كل حاجة بنعيشها دلوقتى ربنا يرحمك يا مصر
واللى بيحصل دة بيحصل فى كل مكان النهاردة فى مصر قمة الاستهتار والنصب
العالم كلة بيجرى للأمام واحنا بنجرى عكسهم
كفاية كدة عليكم
3ala fekra kool sherka 3andaha process mashya 3lehaa mesh ma3na en mafish 7al fe el nafs el wa2t yb2a 3'laat akeed bas fe nafs el wa2t a7na lazem ykon 3andna hudduuu2 mesh ay 7ad y3mel 3'alaat n2um 3leeh we nedello 3ala dma3'o ... zay ma aknenna mestanyeen 3'alta men ay 7ad 3shan n7aasbooo
Post a Comment