مونتيسوري مصر

مشاكل القراء المسجلة

Delivered to your Doorstep

Enter your email address:

Delivered by FeedBurner

Wednesday, June 24, 2009

مصر للطيران: قضية تمييز ضد المرأة و لا غلطة إدارية؟

مضيفة من مضيفات مصر للطيران بعتت تستنجد بيا و انا بصراحة مش عارفة اعمل لها إيه غير انى أحاول أوصل صوتها .... هل فعلا دى قضية تمييز ضدها و لا غلطة ممكن تتصلح ... طبعا هى كلمت طوب الأرض و ما فيش حد اتحرك و طبعا انا مش هـ احط بيانتها هنا لكن البيانات كلها عندى لو حد يقدر يساعدها
_________________________________________________________
سيدي العزيز
تحية طيبة

أنا / مضيفة بمصر للطيران ،

لقد انضمت مصر للطيران كمضيفةفى 9 ديسمبر 2004 بعقد لمدة ثلاث سنوات والتي انتهت يوم 15 مايو 2008.
هذا العقد كان يشترط منع المضيفات الحمل و الولادة ، و قد التزمت تماما بهذا العقد لمدة 3 سنوات حتى نهايته.
وخلال يونيو 2008 ، وقعت العقد الثاني لمدة 3 سنوات جديدة ، و ليس به شرط منع الحمل أو إجازة الوضع ،
فى يناير 2009 أصبحت حاملا وذهبت الى مستشفى مصر للطيران و حصلت على اجازة (غيىر لائق للطيران بسبب الحمل) ، وبدأت في اجازة الحمل ،
و من المتوقع ولادة الطفل خلال شهر سبتمبر 2009.
لقد فقدت مهنتي أثناء اجازة الحمل ،ففى (13مايو 2009) فوجئت باخطار بالفصل من مصر للطيران و ذكرفيه اننى خالفت بنود العقد و اصبحت حامل!
القصة كانت ان الادارة طلبت من ادارة مستشفى مصر للطيران قائمة بأفراد طاقم الطائرة الذين لديهم (عدم لياقة للطيران بسبب الحمل) وبالطبع كان اسمي على القائمة... المشكلة هي ان هذه القائمة المقصود بها لأفراد الطاقم الذين هم على عقد اول 3 سنوات) الذين انتهكوا بنود العقد) وانا على العقد الثاني والذي لا يتبع نفس السياسة.
تقدمت بالتماس رقم (بتاريخ 2 يونيو 2009)
ال ألطيار / شريف جلال (رئيس مصر للطيران) وشرحت فيه الموقف... فطلب من الشؤون القانونية للتأكد من شكواى و التحقيق فيها.
فأجابت بان لديهم حل لى بأن أوقع على عقد جديد (لمدة عام واحد) اعتبارا من 18 يونيو 2009 ، ولكن هذا لا يحل المشكلة للأسباب التالية :

1. إذا كنت ساوقع الآن على هذا العقد (من 18 يونيو 2009) والذي له نفس السياسة (لا للحمل) ثم سيتعين على الطيران في الوقت الذي ما زلت فيه حامل وبالتالى فمن المؤكد أنني لن أمارس عملى الا بعدولادة الطفل (و التعافي من الحمل و الرعاية للطفل) لمدة 6 أشهر من الان... وبالتالى سيقال لى اننى (خالفت العقد لمدة 6 شهور) وسيتم فصلى ثانية... وهذا ليست عادلا.
2. إذا كنت ساوقع الآن على هذا العقد فأكون بذلك قد تخلفت عن زملائي أعضاء الطاقم الذين تعاقدوا معي فى نفس الوقت عندما انضممت لمصر للطيران اول ديسمبر 2004. ... هذاليس من العدل كذلك...
طلبي هو
• أن أظل على تعاقدى الأصلي (العقد ذو 3 سنوات ولا يلغى) وأنا بالفعل كما قلت لم اخالفه ، وقد مرت الآن سنة واحدة منذ أن وقعت عليه و لا يزال سنتان حتى ينتهى... و اكون بذلك على الطريق الصحيح ومتساوبة فى مسيرتي مع الزملاء.
إذا كان إلزاما الآن ان أوقع العقد لمدة عام واحد فيرجى إضافة بند واحد لهذا العقد وهو (أن يكون سارى المفعول اعتبارا من يناير 2010) لتمكينى من الولادة... قبل استئناف الطيران.
طلب آخر هو اعطائى نسخة من عقدي لأنني لم يكن تمكينى من الحصول على نسخة من أي عقد وقعته مع الشركة (فهم يقولون انه غير مسموح باخذ نسة أو صورة من العقد)... ولكني أود الحصول على نسخة من هذا العقد على وجه التحديد ، حتى اكون قادرة على العودة فى يناير 2010 مع وثيقة في اليد عندما أستأنف عملي بوصفها عضوا في طاقم الطائرة.
وأنا متأكد من أن هناك سوء فهم سبب هذه المشكلة التي تسببت في اعاقة مسيرتي و فصلى بدون وجه حق ، لكنني أحب عملي & ولن اضحي به تحت أي شرط او ظرف.
وأنا متأكدة من أنكم لن تتوانوا او تتهاونوا فى التعامل مع هذه القضية & انقاذ حياتي المهنية ،
وتفضلوا بقبول فائق الشكر
.

8 comments:

Anonymous said...

موقفها قوى لا زم تتعامل من المنطلق دة
و ترفع قضية تطالب فيها يتعويض و حقها و تدخل الصحافة و الرأى العام يعنى تعمل شوشرة على الشركة و تضغت عليهم زى ما بيضغطوا عليها

فى المحكمة على الشركة أن تقدم العقود التى خالفتها و إذا كان كلامها صحيح مش حيخرجوا من الورطة دى غير بالتزوير و لو حصل تدخلهم فى قضية تانية

أهم حاجة
تتعلم تاخد نسخة من أى تعاقد توقعة بعد ذلك
تحاول تخرج من الموضوع بمكسب أذا مرجعتش الشغل تحصل على تعويض مالى كبير و شهادة خبرة محترمة تعمل بها بعد ذلك

ahmed said...

موقفك القانونى
سليم ان شاء الله
وارفعى صوتك لغايه رئيس الجمهوريه لو تقدرى
واوعى من الياس
قابلى حد من الكبار
رئيس مجلس اداره اى كلب من اللى فوق
واوعى تخافى دوسى على دماغ اكبر واحد وهددى
وكل ده بالقانون

ولكن الموضوع يا جماعه مابقاش تمييز ضد المرآه او ضد الطفل وغيره
الموضوع ان سياسه سوق العمل اتغيرت
بقت اللى تغلب بو العب بو
يعنى من الاخر زمان كان الوحد يشتغل لغايه ما يموت
والشغل يستحمله فى اجازاته وظروفه وفرح بنت اخته
لكن الموضوع اختلف تماما دلوقت
لان اى مدير او صاحب شركه
هدفه الاول والاخير يستفيد
لازم يشغل بنتين حلوين ولو واحده منهم اتخربشت فى وشها ممكن يشوف غيرها
ومالوش دعوه بظروفهم
من الاخر الناس دى نسيت كل حاجه الا
المصالح

Anonymous said...

مسا الخير ,,,

انا بتكلم من بره مصر بس لفتني الموضوع كتير ,,, و عنجد بتمنى يصل صوتها لأعلى منصب اداري في مصر للطيران اولا و ازا في مجال لرئيس الوزراء ,,لأنه اكيد اكيد صعب تصل لرئيس الجمهورية ,,,و بقول للمضيفة انه ما تترك جهد و ترفع قواضي مش قضية و اكيييييييييييد خليكي مع الله دايماً و صلي بالليل و ادعي يا رب يا خدلك حقك ,, و ازا طلبتي كمان انك تجمعي اصوات احنا جاهزين ,,, و بتمنى رسالتي تصل الك شخصياً ,,,

لأنه احنا مو عايشبن في عالم وحوش ,,,احنا بشر ,, و الموضوع اكبر من انو زلمة "راجل" او مره ,,,لأنه الي بفهمه انه كل واحد الو حق قي ددولنا ,,,
انا بتاسف لحالتك كتييييييييير و بتمنالك التوفيق ,, و بحب اشكر من هالمنبر الست مروة الي وصلت النا
مع تحيات محمد
thank all & all the best
medo142@hotmail.com

Anonymous said...

متفقديش الامل .. ومتستغنيش عن حقك
وصلى صوتك .. اهم حاجة تقدرى توصلى للعقود اللى بينك و بينهم باى طريقة عشان يبقى معاكى مستند قانونى

قلم رصاص said...

موقفها القانوني سليم

واللي حصل من جانب الشرطة ده تعسف واضح وصريح

فهي ان كان حقها مش هيبنى على مسئولية خطأية من جانب الشركة فتأكدي حضرتك ان حقها محفوظ جدا من الناحية القانونية بناءا على المسئولية دون خطأ من جهة الادارة استنادا الى مبدأ قانوني معروف ومستقر في القانون الاداري اسمه المسئولية دون خطأ بناءا على اعادة التوازن لمبدأ المساواة بين المواطنين امام الأعباء العامة


فالصح انها ترفع قضية امام القضاء وان شاء الله تكسبها

وشكرا

في حفظ الله

Anonymous said...

المشكله يا مروى ان الموقف ده بيتكرر كل يوم وكل مسئول عايش فى تكية ابوه وله كل الصلاحيات القانونيه والغير قانونيه فى البلد مادام بينفذ سياسة الحكومه واللى بيطالب بحقه اخره هايلبس قضيه اثارة الشغب او الشوشره على الوزاره وحتى لو رجعت شغلها بالمحكمه وغصب عنهم هاتكون النتيجه انهم يستقصدوها فى حاجه تانيه وممكن يلبسوها مصيبه كمان او اسهل حاجه يركبو واحد يكون تبعهم على الطياره ويتبلى عليها باى حاجه
وبمنتهى الاسف اللى بقوله ده مش توقعات ولا خيالات ولا حتى حالات نادره دا بقى عادى جداااا ومنطقى وبيحصل فى اى مكان تابع لاى وزاره او مكان حكومى وشفت زيه كتييييييييييييييييير فى شغلى
اللى بيعترض او حتى يبدى رأى او يطالب بحقه بشجاعه وبدون توسل ومحايله بيبقى اقل مصير ممكن يوصله انه يتخلف عن زمايله سنين من الترقيات وأعلى مصير انه يخسر وظيفته
وهى دى مصر يا مروى!!!!!!!!!!!!!!!!!!!!!0

Ice Queer said...

OMG that's ridiculous!
I wish her luck in her LONG journey thu!

M.Rakha said...

اكيد مش قضيه تمييز ضد المرأه.....و برضو مش مجرد غلطه اداريه..دا اسمه عبث...لكن انا رأيي الشخصي انها متمضيش العقد الجديد اللي بمده سنه لأن امضتها على العقد الجديد هتبقى بمثابه اعتراف ضمني منها ان العقد الأول لاغي....ازاي هتمضي على العقد الجديد و بعدين تقاضيهم على ان بطلان العقد الاول كان قرار متخذ بدون وجه حق.....؟؟مينفعش...طبعا هي لازم توكل محامي ولو هي معهاش صوره من العقد تقدر تثبت انها بتشتغل في الشركه برقمها التأميني...دا رأيي والله اعلم...و المحامي اكيد هيفيدها اكتر...