مونتيسوري مصر

مشاكل القراء المسجلة

Delivered to your Doorstep

Enter your email address:

Delivered by FeedBurner

Sunday, December 7, 2008

الشوتايم و العميل الملطشة

حكايتى مع الشوتايم

فى يوم كنت مزنوقة على كبرى 6 اكتوبر من كام سنة و رفعت راسى للسما و اتنهدت و وانا منزلة راسى تانى لقيت اعلان للشوتايم و فى الاعلان رقم مختصر للاشتراك

اتصلت
ردت عليا نرمين و قالت لى انت سمعتى عننا ازاى حكيت لها الموقف زى ما هو .. قالت لى طيب اقفلى حضرتك و انا هتصل بيكى

طبعا بداية مبشرة ... الناس خايفة على فلوسى

كل شئ تم فى يومين و كله تمام و اخدوا رقم كارت سيتى بانك و الدنيا مشيت سنين و سنين الى ان

سيتى بانك قرروا ان انا معرضة للنصب و الاحتيال و كاجراء امنى لازم يغيروا الكارت بتاعى و فعلا خلال كام يوم كان الكارت الجديد عندى

شوتايم حاولوا يسحبوا مبلغ الاشتراك الشهرى ماعرفوش ... بعتوا لى رسالة .. وبعدين قطعوا الخدمة و انا طنشت .. انا لا بقعد فى البيت و لا فارق معايا

وبعدين هايدى كلمتنى فى نص نوفمبر و ابتديت رحلة العذاب

حكيت لهايدى الحكاية و هى قالت لى مش مشكلة .. ابعتى لنا البيانات الجديدة على الايميل

قلت لها هايل

قالت لى و معها ابعتى صورة من الكارت

مش هايل
شرحت لها ان انا مواطن عادى لا عندى فاكس و لا سكانر و لا كاميرا ديجيتال و الموبايل مافيهوش كاميرا

قالت لى لازم الصورة قلت لها مش لاعبة ... و اتعصبت ... و عندت .. احنا خلاص فهمنا انى عنيدة و دماغى ناشفة

و بعدين جالى برد و قعدة البيت عايزة شوتايم ... فرحت قوى لما من كام يوم نرمين كلمتنى .. ايوه نرمين بتاعت زمان اللى عملت لى الاشتراك من سنين و كانت لطيفة للغاية و اشتكيت لها من التعقيدات .. قالت لى مش مشكلة ... انا هابعت لك فى رسالة على الموبايل الايميل اللى تبعتى عليه البيانات و مش مهم الصورة ... و فعلا
mceops@cne.com.eg

بعت البيانات و جالى اخطار ان الرسالة وصل و اتفتحت و استنيت ... الخدمة لسة مقطوعة

كلمت نرمين ... قالت لى اتصلى برقم 38279300
وهما هيشغلوا الخدمة و انت معهم على التليفون

رد عليا واحد نسيت اكتب اسمه و كان شكله مش فاهم انا بقول ايه
راح محولنى على ياسر و ياسر كان مثال الموظف القتم القرفان لكن انا قلت خليكى لطيفة علشان الخدمة ترجع ... اديت ياسر رقم الاشتراك و كان شكله لا فاهم و لا بيكتب ورايا و لا باصص فى شاشة
وقلت لياسر ان انا عندى برد و زهقانة و هو وعدنى ان الخدمة هترجع كمان ساعتين

و قعدت ... و الخدمة لسة مقطوعة
كبرت فى دماغى
اتصلت تانى النهاردة كمحاولة اخيرة قبل ماتعصب
رد عليا واحد مالحقتش اكتب اسمه لكن فاجئنى ان الرقم ده .. اللى نرمين ادتهولى و اللى ياسر رد عليا فيه رقم الاشتراكات الدوليه

طيب نرمين و غلطت ... عادى
لكن ياسر اشتغلنى .... ياسر اشتغلنى

المهم اخدت الرقم الصح 38276666
و اتصلت
ردت عليا مروة يوسف
هى لا تعرف مين نرمين و لا بأى صفة قالت لى مش مهم الصورة و لا مين ياسر و لا اى حاجة غير مكالمة هايدى

و اصرت مروة على صورة الكارت و انا ركبت دماغى اكتر
قالت لى روحى اقرب فرع ... و انتم عارفين فوبيا اقرب فرع اللى عندى

مروة كانت زوق و صوتها كانت فعلا بتحاول تحل المشكلة لكن التعقيدات و سياسة الشركة و ياسر هما سبب النوت ده

المهم ... اوربيت و لا أرت؟ ولا دريم بوكس؟
أصل الاختيارات كتير و العميل دايما كسبان

5 comments:

Anonymous said...

شفتي اهو عشان بنات برضو ماهتموش دول لو ولاد معاكي كانوا هايبقوا اخر لطفاة و زرافة

Anonymous said...

it is a must to send a copy of your credit card from where will they confirm you are the owner of the subscription,otherwise any one can call and give a credit card number we 7ateb2aa zombalitaa..
it is for your safety and you can use a mobile with a camera which is such an easy process.

Marwa Rakha said...

not really anonymous

anyone who stole my credit card can send them a copy but the fact the I provide all the credit card details inculding, name and expiry date plus the fact the the name of the subscriber matches the name of the card ... and the name of the emails, and the name of my ID .. then it has to be me

insomniac said...

this is the weirdest procedure!!

i am a showtime client, but last time i had to update my credit card through the phone was around a year ago... all i had to do was fill in a form which they faxed to me, i wrote the new CC number and my name and signed and faxed it back, et voila!!

it's amazing how customer service can deteriorate instead of evolve!!

u know what, have your fun with them and spend more time harassing them for kicks, and then ask them to stop your subscription two days after its activation and fill in a form that explains why and send it to showtime dubai :D

ok, i'm being evil, but feel free to do it if you're that upset ;)

Marwa Rakha said...

Hahaha may be I will do just that Insomniac:)