الناشر المحترم
يختار الكاتب بعناية لان اسمه من اسم اصداراته
يدفع للكاتب لا مؤاخذة دفعة مقدمة للتعاقد
يمضى مع الكاتب عقد 3 كتب على الاقل مع دفع مقدماتهم
عنده مراجعين لغويين
عنده مصممين اغلفة و قسم كامل للاخراج
عنده لا مؤاخذة برده اسطول توزيع داخل و خارج الجمهورية
عنده قسم للعلاقات العامة لتنسيق حفلات التوقيع و جولات خارج و داخل البلد ... ناس شغلتها صناعة البيست سيلر
عنده قسم تسويق فاهم يعنى ايه ترويج و يعنى ايه دعاية و يعنى ايه اعلان (على فكرة .. كل كلمة من دول لها دور خاص فى نجاح العملية التسويقية)
عنده كمان بقى ناس بترد على التليفون و بتتابع مع الكاتب خطوة بخطوة
الكاتب بياخد نسبة من المبيعات
المطبعجى
بيطبع عدد من النسخ بعضها صالح و بعضها يتلف فيه سندوتشات بس بيحاول يدبس الزبون علشان البيزنس
الناشر المصرى
ابجنى تجدنى .. احيانا
بيطبع عدد من النسخ بعضها صالح و بعضها يتلف فيه سندوتشات بس بيحاول يدبس الزبون علشان البيزنس - الكاتب عمره ما هيعرف طبع كام و وزع كام و باع كام
عنده صديق متطوع بالمراجعة اللغوية و مواطن منصوب عليه للتصميم و هو بنفسه بيظبط الفايل على الكمبيوتر و دمتم
التوزيع الجامد جدا ... مكتبة البلد و حنين و عمر بوك ستور .. و احيانا بوكس اند بينز فى المنصورة و معروف و ارت بوك سنتر فى اسكندرية
ديوان و فيرجين و الشروق و كتب خان و فوليوم وان و الجامعة الامريكية ... كل كاتب و اجتهاده
حفلة توقيع حيلة علشان يفرح فيها الكاتب و يجيب اصحابه يعمل قدامهم منظر
التسويق على مسؤوليه الكاتب
التليفون مش بيرد
مبروك .. بقى اسمك كاتب و ابقى قابلنى لو لقيت نسخة لكتابك فى اى حتة
وعود ثم وعو ثم ورود ثم جزمة فى بقك ايها الكاتب الهمام
5 comments:
والله يا مروه ما تقلقي باذن الله كتابك هيقراه كل الناس
اصلا الكتاب روعه
ولو كان بره كان زمانو بست سيلير
ان شاء الله هتبقي اكتر كاتبه مشهوره ويبقه كتابك في اوبرا بووك كلب كمان والعالم كلو يدور عليه عشان يقراه بس انتي استني الحاجات دي بتاخد وقت
وخليكي واثقه انك كاتبه موهوبه للغايه بجد موهووووووووووووووووووووبه
saso
ssrah loutfi
تمام
بالنسبة للي قولتيه يا مروة فهو ده الصح مش حختلف معاكي
لكن بنظرة واقعية حنلاقي إن كده عايزين مؤسسة بالمعنى الحرفي عندها مطبعة ومكتب كبير وموظفين وجهاز توزيعي متكامل والأهم إن هدفها نشر الكتب إللي حتبيع يعني بصراحة حتعمل زي الشروق وميريت ومش حتنشر غير للكتاب المعروفين زي بلال فضل ويوسف زيدان ونجيب محفوظ وكده
إنما الدور الجديدة البسيطة اتعملت عشان تنشر للشباب ف المقام الأول والكتب متوسطة المستوى فمش معقولة نعمل مؤسسة ضخمة عشان ننشر للشباب والكتب متوسطة المستوى والكتب إللي مش متوقعلها مبيعات كبيرة
أنصحك تعملي سايت كبير عبارة عن دار نشر إلكترونية تنشر كتب pdf بفلوس
أهلاً يا مروة
إذا كان للموضوع علاقة بالموضوع السابق وهو ما أعتقده فإسمحيلي أربط برضه ما بينهم وأقول إن ده أسباب إن دار النشر إللي بنتكلم عليها دي تظهر للنور ..
نفس إللي حضرتك بتقوليه بالظبط , ومنتصر نقل الصورة مشوهّة جدًا عن صورتهَا الأصليّة , لأن النظّام الأصلي إللي هيتم إن فعلاً فيه نشر بس مع إهتمام فائق بمضمون الكتاب و مظهره داخليًا وخارجيًا لغويًا أو بصريًا ..
بالإضافة إن المبلغ المدفوع من الكاتب مش ربح نهائيًا بس إحنَا عبارة عن شباب والتمويل المتاح في كتب إستنفذته بالفعل , ممكن فعلاً ما ننشرش غيرهَا إلى أن يتم توزيع الطبعة أو هيتم العمل بالنظام الدفع بمعنى مساهمة من الكاتب بالمعنى الحرفي للجملة في إتمام كتابه حال موافقة الدار وبيتم تحديد مواعيد لسداد مبلغ الدفع مع إبقاء الأرباح لإنتهاء الطبعة ..
وشكرًا
إنسان للتوزيع
بالمناسبة هناك وسيلة أخرى هي أساس عملي كذلك أنصح من لا يرغب التعامل مع دور النشر باتباعها
يمكنك استصدار الترخيص بنفسك وطبع الكتاب على نفقتك الخاصة في مطبعة على يديكِ و الدار كموزع تتعامل بنظام النسبة وهي ثابتة لجميع دور النشر ولا تزيد عنها بالنسبة للكاتب المستقل !
هذا ما انصح الجميع بفعله .. من ابرز من فعلها ( عمر عفيفي – عشان ما تنضربش على قفاك ) – ( مصر مش أمي دي مرات ابويا _ استاذ أسامة غريب )
Insan
In here, it's a matter of who you know rather than how the publishing house is functioning. The concept of PR in itself is flawed in most of them, even non-existent. Also, let's face it, Virgin is all about cute cups that mix Nescafe rather than books for people here, so authors and publishers don't even bother.
Post a Comment